2022-09-27 04:00:55
ЗАЛХУУ МЭДЭЭ: 9-р сарын 27-ний өдөр
Өчигдөр, 9-р сарын 26-ний Даваа гаригт крипто зах зээл цоохортлоо. Биткойн сүүлийн 24 цагийн байдлаар (УБ цаг: 9-р сарын 27, 07:05) 1.84% өсөж $19,135 болжээ.
Айргийн тавын алткойнууд (USDT, USDC,BUSD оруулаагүй)-аас Рийпл илүү ихээр буюу 5.06% доошилж $0.46 болсон байна.
Сайн мэдээ
Венесуэлийн Ерөнхийлөгч Николас Мадуро тун ойлгомжгүй байр суурьтай болоод байгаа удирдагчдын нэг бөгөөд тэрээр саяхан Нефть экспортлогч орнуудын байгууллага (ОПЕК)-ээс зохион байгуулсан арга хэмжээн дээр үг хэлэхдээ АНУ зэрэг барууны орнуудад газрын тос, байгалийн хий нийлүүлэхээсээ татгалзаж байснаа мартан тэдэнд тусламж үзүүлэхээ мэдэгдлээ.
Үүний дараа тус улсын Латин Америкийн засгийн газар хоорондын байгууллагуудын ерөнхий нарийн бичгийн дарга нарын уулзалт дээр Венесуэл улс гадаад, улс орнуудад байгалийн хий, нефть нийлүүлж эрчим хүчний зах зээлийн тогтворгүй байдлыг зохицуулахад туслахад бэлэн байна гэжээ.
Венесуэлийн Ерөнхийлөгч уг арга хэмжээний үеэр хэлэхдээ, "Венесуэл улс дэлхийн эдийн засагт шаардлагатай газрын тос, байгалийн хийн зах зээлийг тогтвортой, аюулгүй байдлаар хангах үүрэгтэй бөгөөд түүнийгээ биелүүлэхэд бэлэн байна" мэдэгдсэн байна.
Муу мэдээ
Төвлөрсөн бус контент нийтлэлийн платформ LBRY-ийн тэргүүн Жереми Кауфман АНУ-ын Үнэт цаас, биржийн хороо тус улсын криптовалютны салбарт хор хөнөөл учруулах үйл ажиллагаа явуулж байгаа гэж үзэж байгаагаа илэрхийлэв.
Үнэт цаасны хороо өнгөрсөн оны 3-р сард түүний компанийн токены анхны зах зээлд хийсэн борлуулалтыг бүртгэлгүй үнэт цаас худалдсан хэмээн буруутгаж, тус компанийн эсрэг нэхэмжлэл гаргасан юм.
Одоогийн байдлаар тус компани Холбооны шүүхийн шийдвэрийг хүлээж байгаа ба тус шүүхийн шийдвэр нь нийт криптогийн салбарын хувьд чухал байх болно.
151 views01:00