2022-10-03 04:00:22
ЗАЛХУУ МЭДЭЭ: 10-р сарын 3-ний өдөрӨчигдөр, 10-р сарын 2-ний Ням гаригт крипто зах зээл улаанаараа байлаа. Биткойн сүүлийн 24 цагийн байдлаар (УБ цаг: 10-р сарын 3, 06:47) 0.70% бууж $19,198 болжээ.
Айргийн тавын алткойнууд (USDT, USDC,BUSD оруулаагүй)-аас BNB илүү ихээр буюу 1.07% дээшилж $286.07 болсон байна.
Сайн мэдээДэлхийн төв банк, санхүүгийн байгууллагуудыг эгнээндээ нэгтгэдэг Базелийн Банкны Хяналтын Хорооноос (BCBS) саяхан гаргасан судалгааны тайланд дурдсанаар дэлхийд тэргүүлэгч банкууд 9 тэрбум ам.долларын үнэ бүхий криптовалют эзэмшиж байна.
Тус хорооны нарийн бичгийн дарга Рензо Корриас “Энэхүү судалгаа нь банкуудын эзэмших крипто хөрөнгийн эрсдэлийн зохистой харьцааны дэлхийн анхдагч стандартыг бий болгох зорилготой юм.
Банкуудын мэдээлсэн нийт крипто хөрөнгийн хэмжээ нь ойролцоогоор 9.4 тэрбум евро байна. Энэ нь крипто хөрөнгөтэй гэж тайлагнасан банкуудын жигнэсэн дундаж хөрөнгийн хэмжээнд ердөө 0.14%-ийг эзэлж байгаа нь одоогоор эрсдэл дагуулах хэмжээнд хүрээгүй байна” гэж Корриас мэдэгджээ.
Муу мэдээАНУ-ын Үнэт цаас, биржийн хороо (SEC) Баасан гаригт криптовалютын үнийг хөөрөгдөж, хаях (паамп-даамп) схемийг үйлдсэн хоёр компани дөрвөн хүнд эрүүгийн хэрэг үүсгэн яллагдагчаар татсан гэж мэдэгдлээ.
Яллагдагчид "DIG" нэртэй крипто хөрөнгийг гаргаж зах зээл дээр зарсан арилжаа нь сонгодог хөөрөгдөж хаях схемийн онцлог шинжийг агуулсан байна.
Тэд мөн өөрсдийн зоосны эрэлтийг хөөрөгдөхийн тулд 10 тэрбум долларын алтны нөөцтэй гэж бие даасан нягтлан бодох бүртгэлийн фирмээр хуурамч "аудит" хийлгэж зарж байгаа зоос бүрээ цаанаа 1 долларын алтаар баталгаажсан гэж хөрөнгө оруулагчдыг төөрөгдүүлэн хуурч байжээ.
124 views01:00